متن قطعه : بارالها قلبی زار ائیلر حرم سیز قبرلر
بارالها قلبی زار ائیلر حرم سیز قبرلر
شیعه نی چوخ دلفکار ائیلر حرم سیز قبرلر
ای بقیع فریاد ائله بیلسین هامی دلخسته لر
دئ نئج اولدی بارگاه و گنبد و گلدسته لر
عهدینی پوزماز ئولونجه مهدیه وابسته لر
عشقی ثبت روزگار ائیلر حرم سیز قبرلر
شیعه نی چوخ دلفکار ائیلر حرم سیز قبرلر
بارها تخریب اولوب گر چه قبور اولیاء
لیک یاددان چیخمیوبدی نه بقیع نه کربلا
شیعه نین قلبین اگر وهابی خنجرلن یارا
نورین اوردان آشکار ائیلر حرم سیز قبرلر
گون دولانسا گر بقیعده بارگاه اولسا بپا
ئولمیوب ایرانلی لار شاهددی شاه کربلا
دورت امامه یولّاریق بیز دورت ضریح باصفا
اوندا بو عشقی عیار ائیلر حرم سیز قبرلر
شیعه نی چوخ دلفکار ائیلر حرم سیز قبرلر
بیلسین اهریمن که نسل اسعدی لرزنده دی
حیدری لر هاشمی لر احمدی لر زنده دی
قبریده نبش اولسا حجربن عدی لر زنده دی
فتنه ی کفرون مهار ائیلر حرم سیز قبرلر
لعن اولا هند جگر خوارین بو پست اعوانینه
لعن اولا آل سعودین فتنه و طغیانینه
تشنه دی گویا بولار یاران حیدر قانینه
بو پیامی انتشار ائیلر حرم سیز قبرلر
تک بقیعی پوزمیوب بوفرقه نین طغیانلاری
سامرا سوریّه ده وار ظلم بی پایانلاری
آخ گوروم دوتسون رقیه آهی بو نادانلاری
شامه قاصد رهسپار ائیلرحرم سیز قبرلر
آری آری شیعه لرده معرفت احساسی وار
سن دئسن هانسی گروهین بیربئله مولاسی وار
سس گلر بو شیعیانین حضرت عباسی وار
گل نثارِ بیله یار ائیلر حرم سیز قبرلر
ای ابوالفضل اوخشیان ای شاه مردانه سسی
دولدوروبدو گور نئجه دنیانی بیگانه سسی
بیر صول اللی سیلی وور گلسین خراسانه سسی
سنله الفت برقرار ائیلر حرم سیز قبرلر
بیزده پیمان باغلیریق ای عهدی اوسته جان بکف
سن بیزه ائیله مدد بیزده وئراق قول شرف
ائیلیاق صحن بقیعی مثل ایوان نجف
اوندا کؤنه افتخار ائیلر حرم سیز قبرلر
پیشنهادات بر اساس دسته بندی یا مناسبت صوت
اشتراک در شبکه های اجتماعی
نظر یا سوال خود را بنویسید