متن قطعه : مولا دئدی اسلام اسارتده دی زینب
مولا دئدی اسلام اسارتده دی زینب
زینب دئدی امر ایله اطاعتده دی زینب
مولا دئدی کی قانلی شهادت منیم اولسون
زینب دئدی چوللرده اسارت منیم اولسون
مولا دئدی سر نیزده منبر منیم اولسون
زینب دئدی غارتده کی معجر منیم اولسون
مولا دئدی اصغر بالام اوخلانسون الیمده
زینب دئدی کی قیز بالالار یانسون الیمده
مولا دئدی شمشیرله دورانلار منیم اولسون
زینب ده دئدی قمچی ویرانلار منیم اولسون
مولا دئدی شام اهلی توکن قان منیم اولسون
زینب دئدی کی شامدا کی میدان منیم اولسون
مولا دئدی دالدان کسیلن باش منیم اولسون
زینب دئدی آلماق باشی قارداش منیم اولسون
مولا دئدی عباس علمدار منیم دی
زینب دئدی سجاد گرفتار منیم دی
مولا دئدی کی ماه محرّم منیم اولسون
زینب دئدی کی غصّه کدر غم منیم اولسون
مولا دئدی مقتلده کی پیکر منیم اولسون
زینب دئدی تل اوستی سراسر منیم اولسون
مولا دئدی محشرده شفاعت منیم اولسون
زینب دئدی اللهه شکایت منیم اولسون
مولا دئدی انصار تمام جمع منیم اولسون
زینب دئدی بسدور کی رقیّه منیم اولسون
مولا دئدی میدانه ئوزوم تک گیده جم من
زینب دئدی کوفیه جن صبر ائده جم من
مولا دئدی تدبیرلرینی زای ائده جم من
زینب دئدی مرجانه نی رسوا ائده جم من
مولا دئدی کی ساخلیاجام زنده کتابی
زینب دئدی حفظ ایله جم باشدا حجابی
مولا دئدی عاشورا قیامت منیم اولسون
زینب دئدی قیرخوندا زیارت منیم اولسون
تصاویر مشابه
صوت های مشابه
اشتراک در شبکه های اجتماعی
نظر یا سوال خود را بنویسید