سایه سقفیده آرام اوتوروب آل یزید -

متن قطعه : سایه سقفیده آرام اوتوروب آل یزید

سایه سقفیده آرام اوتوروب آل یزید
الله اُسرای علوی دشت غم افزانی گزور

کیم حرم آهو لری سهم شهدا جوجه لری
قول قاناد باغلی او وحشتلی بیابانی گزور

گینه آزاد اولا انسان قویالار اوز باشینا
اوزی تصمیم دوتا آج سوسوز هریانی گزور

نه قویوللار بیرینی اوخشاماقا آغلاماقا
غمچی الده باشینین اوسته نگهبانی گزور

گونده بیر منزل اویولدان ئولونور طی طریق
قوشون اهلی گجه آسوده تن آسانی گزور

نیزه دار سر شاه شهداندی خبر
اوزی نادان سوزی اما دل دانانی گزور

اولمادی منزل اوّلده دیور آب و علف
بیر یره دوشسه قوشون نعمت ارزانی گزور

او گونی طی الدوخ بیز ایکی منزل بیردن
هامی گوردوم یورولوب یاتماغا فرمانی گزور

دوه لر یورقون اولاندا گرک اولسون بالالار
ایاق اوسته یومولوب گوزلری رؤیانی گزور