منیم ای تشنه قربانیم بالام لای لای گولوم لای لای - سلیم موذن زاده
متن قطعه : منیم ای تشنه قربانیم بالام لای لای گولوم لای لای
منیم ای تشنه قربانیم بالام لای لای گولوم لای لای
باشیم تاجی آدیم سانیم بالام لای لای گولوم لای لای
سودان چیخسا قیزیل ماهی گورن حالین چکر آهی
چالیخلار گه دوشر گاهی سووا بلکه تاپار راهیم
آچار آغزین یومار تز تز هرایه سسلر اللهیم
دیر قویما چیخا جانیم بالام لای لای گولوم لای لای
بالخلار شاهی صید اولسا قویاللار آغزینا سکه
سنی صید ایتدیلر آغزون قیزیل قان اولدی بیرتکه
دوشوب آغ دوشلو گون اوسته بو قدری قرمزی لکه
آچوب سولموش گلستانیم بالام لای لای گولوم لای لای
اورک ایستر باخا اوغلوم بالخلار جان ویرن وقته
ولی صیاد جلادون اورگی داشدی یا تخته
نیجه رحم ایلمور بیلمم ایله بیرحالت سخته
دیمور ناظردی سبحانیم بالام لای لای گولوم لای لای
صوت های مشابه
تصاویر مشابه
پیشنهادات بر اساس دسته بندی یا مناسبت صوت
اشتراک در شبکه های اجتماعی
نظر یا سوال خود را بنویسید