متن قطعه : گرمی دور شوریله عباسین باشی
گرمی دور شوریله عباسین باشی
الده بوش مشکی گوزون ده قان یاشی
تشنه دی هم باجی سی هم قاردایشی
غصه دن غمگین دل سقا الوب
چون شهادت نامه لر امضا الوب
چیخما ای گون صبر ائله
دم غنیمتدور هله
کربلا ده بو گجه غوغا اولوب
چون شهادتنامه لر امضا اولوب
شمعی خاموش ائتدی فخر بوالبشر
طالبان دهر بیر بیر گئتدیلر
قالمادی الّا او یتمیش بیر نفر
اهل عهد آماده ی ایفا اولوب
چون شهادتنامه لر امضا اولوب
آل هاشم بیر طرفده غرق شور
دیده ی انصاریده اشک سرور
هاشمی بیر آی وئرور صحرایه نور
ظاهر عباس قمرسیما اولوب
چون شهادتنامه لر امضا اولوب
کیم بیلور گون چیخسا نه طوفان اولار
اهل عشق ئوز قانینه غلطان اولار
زینب آغلار خیمه لر تالان اولار
آیریلیق هنگامه سی برپا اولوب
چون شهادتنامه لر امضا اولوب
چیخما ای گون صبر ائله
دم غنیمتدور هله
طرح ائدوبدی هرکس ئوز برنامه‌سین
اهل دل آلمیش اله غم خامه سین
اشکیله یازسون وصیّت نامه سین
چون شب هجران عاشورا اولوب
دولدوروب دشت غمی هجران سسی
عاشقان حضرت جانان سسی
اوج ائدوبدی گویلره قرآن سسی
بو نوا عشاقه روح افزا اولوب
چون شهادتنامه لر امضا اولوب
پیشنهادات بر اساس دسته بندی یا مناسبت صوت
اشتراک در شبکه های اجتماعی
نظر یا سوال خود را بنویسید